Finn fram til Jæren Meieri - Hognestadvn 4 - kart

Det skjer noko i Jæren Meieri. Midt i Brynebyen, ein gong eit omdreiingspunkt for det meste som skjedde på Jæren. Det er lenge sidan det var mjølk her, men det sit noko i veggene. Bygget har fasade, men har mangla innhald i lang tid. No skjer det noko i denne samtidsruinen. 1100 kvadratmeter grå, rå og kald betong er sett i spel for samtidskunsten. Og bakom spøker Arne Garborg, 14. januar var det 100 år sidan han døydde.

Bryne kunstforening og Time kommune inviterer til kunstutstilling i Jæren Meieri med kunstnarane Elise Storsveen, Kine Lillestrøm og Trond Hugo Haugen. Kurator er kunstnar Jens Erland.

G sanning tvil - utstillingstittelen dreg oss mot Garborg sitt tekstunivers. Søkinga hans etter sanning og all tvilen han bala med, er det kraft i dette til å inspirera til kunstnarleg utfalding i dag? Dette er Garborg: - Alt er «sant» og alt er «lygn», og sanning og lygn samanlagde er røynda, tilværet, det som me kan seia alt om, og som me ikkje kan seia noko om. 

Les meir om utstillingsprosjektet 

Kine Lillestrøm

Trond Hugo Haugen

Elise Storsveen og noko meir

Opningstider torsdag 18-20, søndag 13-17. Jæren Meieri, inngang frå Gamle Hognestadv 4

_________________________________________________________________

Kunstsøndag 10. mars kl 13

Me inviterer interesserte på ei reise inn i tematikk, verk og kunstnarskap og håper det kan stimulera kunstopplevinga.

Program

• Omvising i utstillinga - Kunstnarar og kurator 

• Dansegruppa MOCO med spesiallaga oppsetning 

• 10 minutt på beina til Bryne mølle - Eit og anna glimt av Fritz Røeds skulpturar langs mølledammen.

• Ein matbit, litt å drikka

• Arne Garborg, Kitty Kielland og Harriet Backer fann tonen. Skjønnlitteratur og biletkunst - korleis kan det henga saman? Line Daatland, direktør for samling og utstillingar ved KODE Bergen, 

• Kunstarsamtale. Kine Lillestrøm, Elise Storsveen,Trond Hugo Haugen og kurator Jens Erland. Samtaleleiar er Helga Nyman, kurator ved Stavanger kunstmuseum.

Avslutning mellom halv fire og fire.

Arrangementet, alt inkludert - kr 200. Påmelding til brynekunstforening@gmail.com. Betaling på VIPPS 888985 merk med G og namn. 

__________________________________________________________________

Opninga

230 besøkande kom på utstillingsopninga 26. januar. Dansekompaniet MOCO imponerte mange med sin hyllest til bygget og kunstverka. Øyvind Nordsletten hadde opningstalen. Helge Torvunds innsperling av diktet Vaknande vind vart dessverre ikkje ytt full rettferdighet. Høyr Helge Torvund lesa eller les Vaknande vind sjølv.

Kveldens beste kommentar - “Dette kan skje i New York, nå skjer det på Bryne”